ENDE GUT ALLES GUT

quito und abschlussbricht :-)

QUITO

jo mir sy also vo galapagos zrugggfloge uf quito...und i de nechste taeg haimr quito au vo siner schoener syte gse. dAlstadt icsh ok i finds jetzt nued speziells aber wenn amerikaner oder suedamerikaner bisch hesch sicher e freud dra :-)au suesch haimr alli bekannte ort abklapperet und naja quito isch ok :-)

 mir sy auno uf otavalo gange an de groesst andehandwerkskunst-maert vo suedamerika
http://www.youtube.com/watch?v=mzYw-fkv7Ms
vor allem hai uns deht Trachtekleider gfalle vo de Fraue,die schoenste vo allne Andetrachte!

gestert simmer a euse lieblingsplatz gange am plaza grande wo wuerklich huebsch isch...bim herelaufe haimr scho gmerkt dass oepis komisch isch es isch drumm voller poliziste gsi...spoeter haimr erfahre dass jede maentig de praesident (super typ, rafael correa) jede maentig ufm balkon erschient mit sinere minister (50%fraue und 50% maenner als gsetzt....italie nimmdr es bsp dra:-)) um dwachabloesig azluege..
http://www.youtube.com/watch?v=aP0k-okaTEo
.innerhalb vo wenige minute isch de platz voll gse vo schuelkinder und megaviel luet....alli hai de praesident aghimmlet und dhymne gsunge und de sind die deppesoldate cho mit ihrne ponys und hai zeigt wie cool sysind mit de waffe und alli hai e freud kha :-) do in ecuador oder generell in suedamerika haend dluet extremmi hoffnige i praesident und sy fiere en praesident wienen messias oder sie hassne ihn uf pest....es isch aifach e sehr elektrisierendi atmosphaere gsi
also i wuerd megagaern nome vode politik in suedamerika rede aber i glaub dass intressiert au nid obwohls sehr intressant isch :-) churz zaemmegfasst...me isch linksgrichtet, me hasst USA und me traeumt staendig vo revolutione :-)
aber es chan do sehr sehr brutal abgoh...vor zwei johr het polizei unterstuetz vode opposition en streik duregfuehrt,,,innerhalb vo wenige stunde hets ide staedt pluenderige geh anarchie pur...de praesident isch uf dstross abe mit dpoliziste go diskutiere doert ischer vode bulle verschlage worde und agriffe worde irgendwie hends de loyali soldate gschafft de praesident is spital zbringe und vo doert haisn uf wildwestmanier evakuiert....do es sehr sehr idruecklichs video defo
http://www.youtube.com/watch?v=IxPC_BflbB4

also fertig politik :-) ufm platz haimr de mit vielne luet und familie choene rede isch irgendwie e feststimmig gsi,,,, mir hai de under anderem de segundo kenneglernt...segundo isch en uhhhhstolze ecuadorianer (maengmol hetrmi richtig gnaervrt) und er het uns unbvedingt welle zeige wie schoen quito isch...und so hetr gratis mit uns e tour gmacht,,,het uns die ganz altstadt zeigt und alli gheime stelle zeigt...es het sich usegstellt dass segundo fruener guide gsi isch..und das heimr au gmerkt er het uns allerahnd erzaehlt jo und wos obe worde isch hetr gsait....wuessetr was morn am 11i traeffemir eus wieder und mi mache nomol e rundi...also simmer am 11i zu sym kaffi und hai bi ihm fruestueckt (bananakaes klumpe mit spiegeleier....das isch aifach abartig fein....mis drittliebste zmorgeaesse nachm schwyzer brunch und de italienische brioche :-)) denoch haimr mit ihm nomol e fuehrig gmacht und ueber dwaelt gott globalisierig die boes USA und die bloede CHer mit ihrem bankgheimnis philostupidiert....mir sy au is regierigsgebauede mit ihm und hai de praesident und de vizepraesident gseh (cooli sieche :-))
am schluss haimr uns sehr emotional verabschiedet...segundo eifach en tolle typ GRACIAS POR TODO AMIGO

mir werde sicher uf ecuador zrugg cho will mir aigetlich usser galapagos nued gse hai...de amazonas vo ecuador muess unglaublich sy...segundo orgqanisiert uns nextmol e tour ,.-) 15taeg im amazonas und doert chame folgdendes besichtige: rosartoti suesswasserdelfin, fingergrossi (oder klyni) affe, ryseschmetterling und und und...ecuador isch ain vode 10 laender ufde mit de grossti biodiversitaet...hermoso

so und  das isch de schluss...:-) morn fliegemer hai und mir freue eus rysig druff...es sind wunderbari wuchene gsi und mir sy de ande und de andekultur sehr noech cho genau das wo mir hai welle...mit galapagos haimr de perfekti schluss durezoge und sind froh dass mir alles froh ueberstande hai....mir hai grad jetzt zwei amerikanischi touriste troffe wo syt 2moenet am reise sind und huet bestohle worde sind..resultat: pass weg kreditkarte weg fotis weg kamera weg laptop waeg geld weg....die isch nur no am bruelle...also choenemir uns wuerklich gluecklich schaetze dass mir alles mehr oder weniger ueberstande hai- usser dkamera und snatel....au mit de unzaehlige gfoerhliche strosse und de nachtbuess haimr alles guet durebrocht und das isch aifach super so....au die ganz apothek haimr praktisch nid brucht i han eimol bioflorin brucht aber das ische ehr psychisch gse :-) mir hai aigetlich nued igfange und hai uns nid verletzt odr so... deshalb choenemir saege

ENDE GUT ALLES GUT

hier no e chlini zemmefassig vo eusne reis (aifach was uns grad i sinn cho isch :-):

POSITIV:

• schlafsack fuer ramona
• schwiizer sackmesser
• andekultur in bolivie
• laenger aufenthalte isch super um in kultur inezcho
• piscosour
• chueche tres leches
• cusco
• toure mit guides
• plus karte vo postfinance
• schoene tolle empfang vode bruedere ide versammlige
• uyuni dreitagestour
• natur pur
• resti mit wlan :-)
• streetfood
• bioflorin
• fruecht und jugos und batidos
• leute kennelerne
• taxi taxifahrer taxifahrte
• feilsche isch cool
• extrem vieli tolli feedbacks vom blogg
• book exchange in de hostels   

NEGATIV:

• langsames internet
• immer billige hostels sueche
• wenig selbr und nie richtig koche choene
• rucksack packe
• kriminalitaet 
• visalimite :-)
• viel gepaekc da sommer- und winterkleider
• uyuni city
• alles zu suess....versteckte kalorien
• ryss und bohne und fleisch
• geldwaehrige tusche
• zoll
• kai sport - gewicht :-)
• hippies
• elektrischi wassererhitzer ide duschi
• gueti zuetate schlaechti rezept
• alli lueged und betrueged
• zelt haimr fuer nued kauft :-)
• breme in galapagos

Das haimr glernt :-)

• niemals de ersti prys akzeptiere
• frage freage frage
• tipps vo anderne backpacker inehole
• niemertem blind vrtraue
• brueder und schwoester sind weltwyt glych ifrig und herzlich
• au tourguides erzaehle quatsch
• galapagos isch def en zweite bsuech wert
• kleider vom ago nass mache vorem predigtdienst :-)
• hippies sind absoluti siffbirrene
• kais meer isch so schoen wie das in sardinie :-)
• niemert het ruckgaeld uf 20 dollar

RUECKBLICK:
fuer uns is.ch das es eimali.gs erlebnis gs.i mir hai immer pr.obiert alles so ueberzbrigne wies mir au erlaebt hai und ufgno hai mir haend nie welle oepis ums vereke schoen gse oder romantisch beschriebe (noemi und desle kennets: ago du gsehsch das viel zu romantisch :-)).... und wenn mir mol en haenger kha hai denn haimr au drigschriebe...schliesslich laese euse blogg alles tolle fruende


so und jetzt isch schluss...

danke danke dankeeee wuerklich viel viel mol fuer die tolle feedbacks vo eus in form vo kommentare, sms, mail und skypearuef....danke vo haerze mir hai das megagschaetz und freue eus euch gly wieder choene zumarme....


HASTA LUEGO AMIGOSSSSSSSSSS

ps: alli folgende Bilder sind vo Google..:-) mir haned unser handy nie mit use gno...

Soldate show...

El Presidente Rafael am Winke...

traditionelli Tracht in Otavalo

Mercato in Otavalo

la Ronda

Plaza grande

El Panecillo

Parque El Edijo

8 tonne Gold in Iglesias Compañia de Jesus

e Familie het uns eifach Kind in Hand druckt und gmeint, es passt so guet zu uns..:-)

noch ein wenig Galapagos...

Liebe Leute, das isch unseri 2.Letzti Bricht....

so, unseri Reis isch zEnd..mir haned beschlosse, chli fruehner hei cho als plant und defuer no chli in Italie go umecruuuse!:-) nach galapagos isch alles nur no halb so schoen und usserdem hend uns die 3 Wuche im Paradies ganz schoen vill Geld gschluckt...:-(

nach de 8-Tages-Tour ufem Boot sind mer no 10 Taeg uf Galapagos blibe und sind no uf die groessti vo allne Insle (Isla Isabela) gfahre, um deht au no chli was neues zgseh.. nur deht wohnet die Galapagos-Schildkroete, vo wo die Inslene de Name haend.. Sie sind genau so gross wie die uf Santa Cruz, aber de Panzer isch anderst gformt und de Hals isch vill laenger.. Au deht werdet sie mit Hilf vo Ufzuchtstatione bis zum 4.Lebensjahr gschuetzt und so helfet sie dene arme Riese, sich wieder zvermehre...

Isabela isch unseri absoluti Lieblingsinsle gsi. Nid nur de 7km langi, menscheleeri wiisi Sandsrtrand isch en Grund, au d-Mensche sind da anderst. Mir sind fast die EInzige Touriste gsi uf dere Insle und drum chan mer no da vill besser ins wahre Lebe vo de Iheimische inegseh.. Sie sind luut, froehlich, und spielet extrem gern Volleyball:-) mir haend erfahre, dass alli Spieler immer um Geld spielet und de Isatz vo min. 90 Dollar/Team bis zu 5000Dollar/Team chan si...das erklaert au, warum sich d-Spieler au nach jedem verpatzte Spielzug mega aschreiet und afanget striite und toibele:-) Zum Zueluege besser als jedes Theater..Hihihii.....

usserdem isch Isla Isabela au wesentlich guenstiger als Puerto Ayora und mer chan en Huufe go aluege.. Es het en Riese Vulkan zum Bestiege, Lavatunnels zum go Schnorchle, Lagunene mit Flamengos, Schildkroete, chlini Insle zum mitem Kayak hiruedere und deht go schnorchle etc,etc....

Zum Schluss sind mer nomal fuer 4 Taeg uf SantaCruz zrug.. Mir kennet jetzt scho en huufe bewohner, Bruedere und anderi Touris..drum fuehlt sichs a, wie wenn mer durs eigene Dorf lauft..a jedem Strasseecke winkt uns oepert oder mir haltet kurzi Smalltalks mit Hotel-/Taxi-/oder Kioskbsitzer:-) Zum Zvieri gits immer bi de Yaconda (e liebi Schwester vo de Versammlig) e feini Kokosnuss zum trinke/esse und denn luegemer zue, wie sich alli Iwohner um de einzigi Platz versammlet zum sich unterhalte oder am Volleymatch zueluege... 

jede Abig machemer en Abstecher uf de Steg zum luege, was sich huet en Seeloewe fuer en lustige Platz zum chillle usgsuecht het... Unde im Wasser tummlet sich Fischli, Robbe uf de Jagt nach ihne, Mantas oder Krebsli... am Glaender macht en Pelikan grad Flugpause und Blue footed Boobies spicket wie Pfiil ins Wasser zum sich ihres Znacht zfische...

Im Ganze chan mer saege mir haend Galapagos nid nur gseh - wie villi anderi KurztripTouris- sondern mir haend in Galapagos glebt! Mir haend Kaffiplantagene gseh und Farmer haend uns erklaert, wie sie Zuckerrohrschnaps zauberet.. Mir kennet zig Iwohner mit Name und haend x Adressene tuscht... Sogar ich bin nid mal meh so nervoes, wenn vor mir en Seeloewe sitzt und mir haend wirklich alles gseh wos zgseh git (nur de Walfisch haend mer verpasst..)..

villi Touriste vo unseri Fotis gseh haend, sind ganz enttuescht gsi, willl sie nid mal halb so vill gseh haend wie mir, obwohl sie villicht genau so vill geld usgeh haend...:-) mir sind also wirklich voll zfride und es isch jede Rappe wert gsi!! Ich hoffe, jede het mal Chance, das au zerlebe!!

p.s.vom ago:  i han i dene 3wuche uf galapagos nur eimol pasta gesse :-) min hauptnahrigsmittel isch arroz con menestra gsi...also wisse ryss mit bohne :-)



do no paar videos vo uns:
http://www.youtube.com/watch?v=G5MaeJExllg
http://www.youtube.com/watch?v=HPk0QKqJllA

Kaffe und Zuckerrohr- "Fabrik" :-)

nach de Fermentation landet de Saft vo de Caña in de "Destillerie"

Zuckerrohr (Caña)

Fruehner het mer de Zuckerrohr no so zerquetscht, zum an Saft cho.. De alti Opa imitierert da sehr ambitioniert en Esel:-)

Kaffebohne frisch vom Baum

Ago bim Kaffibohne stampfe... so trennt sich die fleischige Schale vom Kern 

Die wisse Kaffekerne werdet geroestet indem sie ueber em  Fuer geschwenkt werdet fuer 30min...

rys mit bohne mit fleisch fuer 4dollar :-)

chasch 3x rate.... : Richitg! Rys mit Bohne:-).. und Fleisch...

da mal oepis anders: Fleisch mit Rys und Bohne...:-)

Los Ago, ich han Durst:-)

Mhmmmm......Zerscht drinke...dennn Esse:-)

Volley um Geld...sehr emotional:-)

wenns en Vorstellig git, versammlet sich alli Inselbewohner zu dem Spektakel:-)

Fischmarkt - und alli waend oepis devo ha... klini Robbe, grossi Robbe und es paar Pelikan ...

typisch ecuadorianisches Zmorge (Bolon de verde) en Klumpe us Banane und Chaes...

Mir goennet uns chli Luxus: Languste in Kokossauce..
(Encocado de Langostino, 9dollar)

oder Encocado de Camarones... 

Hee, gahn weg,, ich bin zerscht da gsi.....:-)
en Robbe am schlafe..zmittst ufem Steg..

Coole Name fuer es Schiff!!?"

Diesmal sinds so lieb gsi und haend sich under em Baenkli gmuetlich gmacht.... 

...aber nid lang... suennele isch vill besser:-)

Vor A- und Witerreis in jedi Insle wird Gepaeck und SChueh inspiziert, damit kei fremdi Pflanze oder Saemli importiert werdet....
au bim Areise uf Galapagos isch Handgepaeck und Gepaeck ispiziert und desinfiziert worde!

Was gucksch duuu?? Ich bin schliesslich 150 Jahr alt,,,da darf mer doch es paar Falte ha...?!

Spiderman, Spiderman.....

Das isch e wildi Schildkroete wo uns vors Taxi glofe isch:-)

Lagune in Isla Isabela - Concha de Perla

das isch e typischi Duschi in Suedamerika...
wenn sie funktioniere isch o.k..aber wenn nid,,,,denn duschisch halt mit Stromschlaeg..

de letzti Bricht chunt denn morn vo Quito us und wird de Abschluss vo dere schoene Reis si.... 

8 Tage im Paradies - Galapagostour

Hallo liebe Freunde, sorget eu nuem langer...mir lebet no... und wieeeee!!!!!!!!!!

die letzte 8 Taeg haend mer im Parishilton-Style glebt:-) d.h. ufere wisse Yacht im traumhafte Meer vo Galapagos...

Mir sind mit 15 andere Gaest ufem Boot gsi und haend drum leider statt spanisch eher englisch glernt und gredet.. nur mit de 8 Matrose haend mer uns chli choenne spanisch spaessli erlaube!

mir sind natuelich mega verwoehnt worde, Umberto euse Koch het uns mega fein bekocht und nach jedem Usflug het en feine Fruchtsaft uf uns gwartet:-)

unseri tour het uns uf fast jedi insle vo galapagos bracht und mir haend die unterschidlichste landschafte atroffe...die einte sind voller Lava und fast ohni PFlanze, ussert lustige Kaktusbaeum...anderi Insle sind wie en Dschungel so dicht bewaschse und voller Lebe ueberall... die einte INsle haend wiisi, bruni, oder schwarzi traumhafti Sandstraend mit Tuerkisblauen Wasser, anderi meterhohi Klippene und hochi Welle....

jede tag sind mer uf ere neue insle losgstartet und haned sowohl dInsle vo obe wie auch durch schnorchle erkundet... dur dNacht sind mer denn schaukelnd zur naechste Destination greist und am morge vor ere andere Kulisse verwachet:-) Jede Morge am 7ni hets zMorge geh!! und denn isches los gange..entwerder mit Flosse oder mit Kamera (am Ago sis Handy het als Ersatz muese lange...) bewaffnet !

mir sind am afang no bi jedem neue Tier vor Freud fast usgflippt und choend no immer nid glaube, dasses en wilde Zoo git, wo Tier eifach kei Scheu vo de Mensche haend...im Gegeteil! Sie sind sogar neugierig und gniessets, vo uns bewunderet und fotografiert zwerde:-)

ich (ramona) bin vor allem bi min erste freilebende Seeloewe fast ueber Bord gheit..hihihi...

was haend mer alles choenne bewundere?

agfange hets mit en huufe Seeloewe, Babys oder Mami und Papis, entwerder schwimmend oder fuul am Strand liegend.. Denn hets ueberall verschiedefarbige Leguans gha.. die eine sind Wasserleguane gsi und meistes knallschwarz wie dLavastei, wos sie sich druf ufgwaermt haend..die andere sind Landiguanas und mir haend sie in gruen, gelb, rotblauschwarz und brun gseh:-) 

es het hunderti vo Voegel, die coolste sind de Bluefooted Boobie (wie de Name verratet mit lustige unerklaerlicherwiis blaue Fuess) wo sich wie en Pfiil ins Meer schiesst zum fische und de Fricked-Bird (de Maa het zum dFrau ergattere en rote Sack am Hals, wo er chan ufblase).. leider aind Albatross nonig zrug aber mir haend defuer Galapagos-Adler gseh..

sErstunliche isch, dass mer dene Voegel unglaublich nah chan cho, ohni dass sie devo flueget! sie erlaubet einem sogar, ihri frischgschluepfte Kuecke im Nestli vo 1m Entfernig zfotografiere! eifach unvorstellbar!

uf eiene Insle haend mer Rieseschildkroete gseh wo bis 200Jahr alt choend werde und vo de Inslebewohner mit vill Liebi ufzoge und usgwilderet werdet (Pirate und die erste Bewohner haend 90% vo dene liebe Tier usgrottet um a Oel und Fleisch zcho...)...

uf ere andere hets chlini Minipinguine gha, wo mega schnell im Wasser a eim vorbiigflitzt sind...:-) 

fast uf jedere Insle hets mini geliebte Seelloewe oder Robbe gha und vor allem het mich erstuunt, wie neugierig die chline Babys sind und mit die waend spille :-)

Es git au Lagunene uf de groessere Insle und zu mim Erstuune hets sogar pinkigi Flamingos gha:-)

es bsunders Highlight sind immer eusi Schnorchelgaeng gsi! ich glaub mir haend locker 10Millione Fisch gseh:-) alli Groessene und Farbe, aber leider kennemer ihri Name nid... loend euch vo de Bilder selber inspiriere... 

BSunders sind immer die groesse Tier gsi:-) Mir haend mehreri verschiedeni Haifisch gseh, chlineri harmlosi zwar oft, aber au de groessi Hammerhai! usserdem Mantas und Roche in ganze Schwaerm... 

Unterwasserschildkroetli, Robbe und Pingus und sogar Wasserleguane bim schwimme nid zvergesse, genau wie mega vill verschiedefarbigi Seesterne und suschtigs Wassergmues:-)

S Schoenst fuer de Ago sind denn no die 6 Delfin gsi, wo eus es rechts Stueckli uf de Bootsfahrt begleitet haend und mega schnell mitschwumme sind, und sogar no ziit gha haend zum in Luft Saltos zschlah:-) Es mega Erlebnis!

Mr sind uns beidi einig: das isch die schoenst Wuche uf eusere Reis, wenn nid au vo eusem ganze Lebe gsi! Es isch zwar en tuere Spass gsi, aber jede Rappe Wert und de einzig Weg, zum das gschuetzte Paradies zerlebe! 

mir sind ueberwaeltigt vo so vill SChoenheit und Fantasie und freuet eus, wenn de ganz Planet wieder in Friede und Hamronie mit de Mensche wird lebe! es choent so eifach und schoen si, wenn de Mensch us Egoismus nid alles wuerd zerstoere!

so jetzt chunt de Ago, also sorry scho im vorrus, wenn er abem Baseldialekt ins Schwitze choemet:-) :

also i han nur welle saege dasses bestimmt vieli oertli uf dere waelt git mit schoener natur und vieli vicher...aber was miner mainig galapagos einziartig macht isch dass die tier do fast alli endemisch sy  und so brutal unscheu sy...so chan en typische usflug usgseh:

du stigsch is schluchboot und fahrsch a strand....chum bisch im boetli gsehsch mehreri groesseri und chlineri fisch wo di begleitet obedra hesch grossi voegel wo chome...mengmol hesch 2meter nabdir eifach vo obe en vogel is meer schiesse gse zum fisch fange wietr am strand isches aifach mega...wysse strand sschwarzi lavafelse mit hunderte vo roter krebsli roti mangrove mit gruener blaetter aifach baaaeeemmmmm und swasser isch aifach wunderschoen und glasklar.... wilsch a land go muesch zerst no ueber e paar seeloewe styge will jo die wai schlofe :-) und a land hesch aifach hunderti vo tier wo uf di warte und bi allne chaschdi uf bis 1meter noechere....aifach unglaublich..... wie gseit die tour isch tuer gsi aber du waisch dass dluet wuerklich defuer sorge dasses es paradis bliebt...doeffsch nie dweg uf de in¡sle verloh, immer en guide debi, nie mit flash foetele, nur zu gwuyesse zyte und date doeffme die toure mache, a paar orte wird de motor abgschaltet, me doeff niene fuessball spiele :-), paar insle sind fuer mensche ueberhaup`t gsperrt usw usw also allles sehr sehr gstrickt,,, me choent meine es waeri en naturschutzgebiet wo CHer wuerde verwalte :-)

i wuerd allne do waermstens die doku empfehle....hammrfotis und bilder

http://www.youtube.com/watch?v=yqSkHe8IAec

das isch de trailer vo 2min defo

http://www.youtube.com/watch?v=hSU950zj5bo

Weissspitzhai

Marin-Leguan

das Bild isch vom 1.Tag, bim Geldabhebe grad am Bankgebauede:-)

a Dream comes true....

Blue Footed Boobie--- cooli Sieche:-)

Leguan beschuetzt sin Kaktusbaum, Voegel mit Baby stoered ihn nid

Riese-Turtle

Ramona-Turtle :-)

Mangrove-Lagune

das bin ich:-)

Hammerhai

Pingu:-) Kei Chance zum die unter wasser fotografiere...zuuuu schnelli Torpedos:-)

herzschmelz......

hammerhai

Languste...Mhhmm...

das foti het euse supermoechtegernprofifotograf john gmacht....und de volldepp mit spiegelreflex hets au wuerklich gschafft drobbe nid mitfotografiere....

Yollita 2...