mir sind am sunntig morge frueh abgfahre und haends grad no in saal gschafft. komisch so wiit weg vo dihei und alles trotzdem uf duetsch:-) wenigstens haend mer diesmal alles verstande-.hihihi...
am abig sind mer anen mega schoene see grad i de noechi gfahre und haend grilliert und die schoen vollmondnacht am lagerfuer unter bruedere und schwestere gnosse...! obwohl mer in suedamerika sind, merkt mer halt, dasses alli duetschi sind...sie sind trotz dene heisse 40grad im schatte nid so schnell uftaut:-)
am naechste tag haend mer erst mal richitg usgeschlafe und am nammitag sind mer mitts unter de groesste mittagssunne ufbroche in predigtdienst. ago het dadebi d'erfindig vo sim lebe gmacht: wie verhindert mer, dass mer schwitz wie ein schwein im hemd und dases niemert gseht? trick 77: eifach s'schwarze hemd vorerm dienst dihei einmal vollkomme durchnaesse, bis alles vollgsoge isch mit wasser und denn statt uf d'waescheleine eifach so grad alege:-) han min maa no nie so relaxt bi 40grad gseh umemarschiere..hihihih
mir sind mit de kaethle zu de mennonite gange go predige. es volk wo urspruenglich vo holland/germany abstammt und sich deht nid haend choene frei verhalte uf grund ihrere religion. also sind sie (wie amish) usgwanderet und haend da kolonie bildet.Do in paraguay haend sie eigeni schuele, alters- und behinderteheim, kirche, gmeind, sprache etc... ihri sprach isch am deutsch no recht aehnlich, aber dur die villne jahr halt scho chli anderst worde. mer chan aber guet in hochdeutsch rede, wenn mer plattdeutsch nid beherrscht..(es git einigi, wo der kurs machet)...zu ihrne traditione ghoert unter anderem dass sie alles moderne ablehnet, und die einte gmeinde verbietet sogar gummipneu a de traktore und blibet bi de stahlraeder... mit anderne wort: leute wo gummipneu bsitzet sind in ihre auge materialiste und choemet id hoell:-) au es eignigs auto isch verbote, aber im taxi mitfahre macht nuet.. de taxifahrer chumt ja id hoell ;-)
i dem gebiet wo mir gsi sind isch alles scho chli harmolser, au sie sind am druck vo usse usgsetzt und haend sich scho sehr apasst... sie haend mit abstand die groesste und pflegtiste villene wiit und breit...!
trotzdem erkennt mer sie vo wiitem, will sie alli langi roeck und villmal no so wiisi huebli ufem kopf haend...
wers interessiert, do de link
es komischs volk voller gheimnis und aengst, wo sicher stark vo ihrere gmeind unterdrueckt werdet! es het eus mega beschaeftigt und trurig gmacht, all die igschuechterte weltfremde kindergsichter gseh...
vo oleary isch unseri reis nach 2d wiiter gange, zerscht mitem bus bis nach asuncion (4h), vo deht mit neuem bus bis uf la resistencia und deht wieder en bus bis uf salta.. insgesamt 28h Busfahre---ufffaa...
jetzt sind mer in salta und nachdem mer mit dem blogg fertig sind goenne mer uns e siesta und una cerveza (Quilmes dark)...mmmmhhmmm....
hasta luego muchachas!
