Copacabana

morn verloend mer bolivie und fahret uf die ander siite vom titicacasee (de hoechsti schiffbari see uf de welt uf 3800mum) nach Peru.
eigentlich choent mer meine, mer isch am meer (de see isch 13x so gross wie de Bodesee) und drum gseht mer au kei Ufer uf de andere Siite vom See, nur eifach alles blau und klar.. mega schoen! leider ischer aber zum bade zchalt..:-(

unternoh hend mer nid vill, mir haend vor allem useri haengematte gnosse und ab und zu e chline spaziergang gmacht, z.b. ufen huegel mitere grabstaett... super ussicht...

schoenste sind aber die 2x versammlig gsi! am dunnstig sind mer usversehe (internet het nid gstumme) nid i die spanischi versammlig gange sondern in gruppe Aymara, en uralte Indigo-Dialekt. mir haend 2h keis wort versstande:-) es isch trotzdem mega ermunternd gsi..nur 15 bruedere und schwestere sind awesend gsi und es git nur 2 aeltesti fuer die chli gruppe, die haend natuerlich en huufe ztue..trotzdem gspuert mer de iifer vo allne (einigi muend 1h weg in kauf neh pro weg..inkl.1/2h devo laufe) drum isch versammlig au scho am 4i am nammitag!:-)
am samstig haend mers denn doch no uf castellano gsschaft..au nid wirklich vill meh bruedere und e schwester macht deht sogar d'alag:-)
spontan sind mer mitem redner (vo la Paz) und sine fruende go esse und haend deht oepis schockierends erfahre:-)



am vorabig sind mer  an strassemarkt go znacht essse (1.20CHF)...mmhhmm...feini fleischspiessli haend eus aglacht! sind au eig. ganz fein gsi, ussert chli salzig...
erst spaeter haend eus denn bruedere gseit, dass das fleisch in wirklichkeit Rinderherz gsi isch!! :-)
ich glaub nid, dass mer so ohni vorurteil probiert hettet, wenn mer das vorher scho gwuesst hettet:-)

huet sind mer denn mit de gliche bruedere no en usflug uf e nahi insle (Isla del Sol) go mache.. Isla del Sol giltet als Ursprungsort vo de Inkas. wobi Inka nur de Herrscher isch, s'volk het sich nid so gnennt.... uf de insle stoend no reste vomene urspruengliche Inkadorf. und tempel... ussert de waend isch nuem vill uebrig.. mir choend nur no erahne ahand vo de tuerigaeng, dass das volk seeeehr duenn und chliii het muesse si:-)

so endet eusi bolivieerfahrig... was haend mer glernt:
- nid alli bolivianer sind unsymathisch, mir haend en huufe ganz liebi bolivianer vo de groessere staedt kenneglernt, wo mega offe, lustig und lieb sind.
eusi negative erfahrige haend mer vor allem i de touristeort gmacht und deht mit de bsitzer vo laedeli fuer touris:-) ich glaub, entweder sind die arme indigos mitem tourismus ueberforderet oder eifach scho ueberdruessig...?!
- regezyt ischwuerklich regezyt es het jede tag eimol graegnet aber sobald dsunne usechumt brennt sy wuerklich fest obeabe...und uf 3800mum merkt me das sehr sehr schnell...
- dglobalisierig het bolivie eiduetig nonig erreicht....wenn mir zum bispiel was hai welle koche und go ikaufe sind haimr wyt und breit kai ikaufslade gfunde...ikauft wird am markt... nur doert... und doert isch uns z.b. dlust uf fleisch vrgange :-) aber au anderi gaengigi lebensmittel suechsch vergebens.... aifach cool so oepis ...wiene chlyni reis id gschicht...
- jede bolivianer het e kopfbedekig..vom coole huet bis zur zipfelmuetze..bi dere hoechi isch das au wichig..
- bolivie het aifach e megaschwachi besiedlig es isch aifach unglaublich die leere landschafte choene zbewundere....am titicacasee hesch aifach bi copacabana hueser und schiffli und suesch wo das auge hinreicht nur natur pur...kai schiff kai flugzuegkondensstreife am himmel keini huesser und hotelkomplex am seeufer....immer wenni das gse choeme mir dbilder vo europaische straend, schwyzer seeufer und doerfer in sinn und es isch aifach beidruckend soviel unberuehrti natur zgseh!

Lust uf Schweinsplaetzli?? :-)

die Huet gfallet mer eifach..:-)isch im fall kei photoshop, die haend nur so chlini Koepf:-)

Riis mit Bohne oder Bohne mit Riis???

Corazon de Res

Mercado ...

coooole Bus...
da muemer niemertem erklaere,wie de name gottes isch...!

jetzt freuemer eus aber uf Peru!
 Bis GLIIIIIIIII :-)

Uyuni - Land der Extreme

in Uyuni haend mer 2 naecht verbracht um uns an die hoechi aklimatisiere (3700 mum.)
am tag druf haend mer denn gstartet zunere 3 Tages Jeep-Tour ind Wildnis vo Bolivie.
da e kurzi zaemmefassig vo eusne erlebnis:

1.Tag: Start in Uyuni mit vier duetsche touris im auto (sind voll liebi gsi) zum alte zug-Friedhof. dort wo fruehner no mitem Zug Silber und wertvolli Mineralie vo de Mine nach Chile und vo deht in d'welt abtransportiert worde isch, gseht mer jetzt nur no e rostasammlig an alte lokis und anhaenger.. es het aber no oepis speziells, so ganx verwahrlosti gleis und rostigi Wagons gseh..
wiiter isschhs denn zum highlight vo uyuni gange: in d'salzwuesti... zzu dere jahresziit isch aber nid alles trocke sondern es het e 10cm hochi schicht wasser ueber em salzmeer. das macht das ganze aber nid weniger atraktiv.. es spieglet sich alles uf dere endlose wiise flaechi! mer choent nid meine, dass das en teil vo unserem planet isch.. (das gfuehl wirdi au die andere 2 taeg nid los!)..
mega toll! widr zrug im jeep sind eusi fuess und bei denn voller tockenem salz und ganz wiis:-)
mir schlafet imene mega kline dorf mit iheimische und am morge am 6i gahts wiiter

Salz, Salz und nomal Salz....

tag 2: huet gsehnd mer als ersts das Valle de Rocas, e Felslandschaft us altem Lawagestein wo en Vulkan vor langer Ziit usgspuckt het! es haend sich cooli formatione bildet und streckt sich ùeber hunderti vo kilometer! wie imene dinosaurierfilm... usser statt dinos mit pumas, lamas, alpakas, kondore und und und...
wiiter gahts zu de lagunene..eini schoner als die naechst. ich glaub, bilder sprechet fuer sich!
rot isch de see waeg de mikroalge, gruen isch de ander see waeg minerealie, wo nur wenn de wind blast, ufgwirblet werdet und de effekt erzueget. wenns windstill isch, denn ischer tuerkisblau...
das wiise i de see isch Borax, es Material  zum plastik und glas herstelle... Eifach MEEGAA!
am abig schafemer nid lang (ufstah am 4i :-( ) und ohni strom (drum isch min akku vo de kamera au dunde;.( )

Valle de Rocas oder auch Ciudad de Piedras

mmhhmm..Strussefleisch...ultra Bio
leider sinds aber gschuetzt..:-)

la Laguna Verde, uf 4600m.u.M
sin Name verdankt de See a Mineralie, wo bi Wind ufgwirblet werdet und de See vo Tuerkis in hellgruen verwandelt!
mega schoen!!

es git 3 verschiedeni Flamingo-Arte im Naturschutzpark.. 

La Laguna colorada
de schoensti See vo allne 4 lagune
rot ischer dank roteAlge wo au de Flamingos es extrem rots Gefieder macht..

de Grund warum de ago nie lacht und au nid so oft uf de Fotis isch isch ganz eifach..
im machet die durchschnittlich 4600 muM eifach z'schaffe..(kopfweh)

endlich macht er doch mal chli de cloown:-)

tag 3: sit 3 taeg mit wengig schalf und ohni duschi gahts wiiter... stinket ja alli glich:-) hihhi

mir fahret so frueh ab, will mer d'geysire am beste chan bi sunneufgang betrachte.. mir sind uf 5000mum und dank cocablaetter-tee gahts uns guet! d'geysire sind atemberaubend.. sie spucket bis zu 10m grossi dampf- und schwefelwulke ufe (us gsundheitliche gruend muend mer nach 20min wiiter).. nebet de grosse geysire sprudlet ueberall us de loecher klini wulketuermli und es het au usgstorbeni krater.. alles gestei isch roetlich und drum hani au s'gfuehl, ich bin ufem mars:-) wiiter gahts zumene heisse thermalbad mit 37grad! juhuuu, endlich bade! uf 4200mum gniess ich das dampfende freibadjacuzzi und denn fahremer an grenze zu chile, setzet deht 2 duetschi ab und macht uns uf naturholperstrasse uf de 6h heimweg...

leider isch das nonig sendi: mir haend scho de bus nach LaPAZ am 8i..

wer het scho chonne ahne, dass 6h vo dene 12 au uf unteerte naturstrasse wytrghot:-) vom schlofe chasch nur traeume :-)

Geysir uf knapp 5000 m.u.M.
will min Akku vo de Kamera leer gsi isch hani leider fast kei eigeni Fotis,..villicht bechumi no vo de Dùtsche und wird sie no ergaenze....:-(

Ein Vicunia
die arme suesse tierli sind vom ussterbe bedroht...

p.s. bolivie isch extreeeeeeeeemmm unterentwicklet....am afang haimr immer daenkt dass dgrossmuetter mit de klyne babys umelaufed debi sinds dmueetter...alli gsehnd im schnitt 20johr aelter us...zeiche vo sunne krampfe und armuet...
dstrosse sind zum groesste teil us erde, de abfall liegt ueberall umenand es het viel dreck und armuet inkl. streunindi huend... milch gits in pulverform i de dose und die meiste lebensmittel suecht mer da vergebens....oder sie sind scho alt und verfuult...
au dluet wuerket desintressiert und unfruendlich....ufe tourismus hai sie sych definitiv nonig igstellt...

Tupiza - Bolivien

wow bolivie eifach es land vode extreme....bolivie nur um sich das mol zvorstelle het dflaechli vo frankrych und spanie zaemme aber nur 10millione iwohner (bits mehr als dCH). das merkt me au wenn me durs land fahrt....me gseht e hufe nued :-) sland bestoht usm altiplane und em amazonas becke....uf eusi reis waerdemer nur ufm altiplano bliebe e ryyyssse hochebene uf rund 3700mum....unsere erste stop is tupiza gsi...e sehr hezigi chlyses und laebendigs indigodorf...

alli fraue traeget da no die traditionell tracht, d.h. breiti ringrock, gstrickti tuecher und 2 langi zoepf wo bis zum fuedli langet... ihri kinder oder au gepaeck tragetes in farbige tuecher ufem rugge und sind vorne miteme knopf zaeme bunde.. usserdem traegets meega cooli charliechaplin-huet:-)

uf tupiza haimr de karneval miterlebt...en hufe 1.6meter indios wo mit wasserballons und wasserpìstole und rasierschum bewaffnet uf alle wo sich bewegt losgoht....d.h. wenn schnell zum bankomat willsch go de raegeschutz alege und e paar jamesbond moves druf ha :-) sogar vo de taecher werfets mit wasser :-)

en Eimer voll Wasser vom Husdach direkt uf Passante...
es rette sich wer kann:-)

                   

 

Zitschrift isch uf Quetchua..falls mers chan entziffere,,,?!

defuer haend mer i dem 22000 iwohnerdorf a eim tag 3x unseri bruedere im dienst atroffe!












d'Hauptsprach isch da nebet spanisch au quechua. mer merkts a de gschichter vo de eltere luet a, dass sie dich au im best moegliche spanisch nid verstoend und nur mitem kopf schuettlet:-)

de wind het uns en streich gspilt und am ago sini unterhose und
es t-shirt ufs Dach vom nachbar abegwindet. doch mir sind ja
erfinderisch und so het de ago si wieder ufegfischt mit eme bastlete
hacke anere schnuer! super Ago!! :-)

das esse isch im fall nur fuer 2 Persone denkt! und kostet hets 5.-
mir haend nid mal d'haelfi moege. wegwerfe haend mers aber nid muesse,
e alti bettlerin het unseri knochereste und zuetate mega gern go..
da merkt mer mega, wie guets eus gaht und wie bitter anderi lebet....