A Big Goodbye to Salta - Hola Bolivia?!

So, es herrscht Ufbruchstimmig! Aber nid wie bis gester plant nach San Pedro de Atacama, sondern nach Tupiza in Bolivie. Euses Busticket uf Atacama haend mer leider muesse storniere, will die ganz Stadt unter Wasser liiht. Unglaublich fuer es Dorf wo grad nebet ere Wuesti liht, wos teilwiis scho sit 20 Jahr nie meh gregnet het! Janu, besser so, als wenn mer scho fruehner gfahre waeret... es sitzet náemli en huufe Turiste fest in Schlamm und Truemmer....

I dere Wuche Salta (mir sind chli festghocket will mer uf unseri Ec-Karte gwartet haend) haend mer en huufe doerfe erlebe und erfahre. mir haend uns richtig in kultur vo argentinie ineglebt, haend ihri mahlzite kenneglernt (asado, alfachores, choclos, lomo, ziegen-locro, miel de uva, dulce di leche, empanadas!!, villi iheimischi fruecht etc....) und vor allem haend mer uns i das volk verliebt! unter anderem bsunders es aelters ehepaar us de versammlig in salta (gabriel und Lourde! sie haend mit uns gester e citytour unternoh und uns nachher no i ihrem bescheidene heim bekocht und mir haend en huuufe spanisch glernt und gredet. sie sind wirklich mega vorbildlich, frueher sind sie kreisufseher in argentinie gsi und lourdes isch sonderpionierin imene gebiet gsi, wo no nie vo zeugen jehovas bsuecht worde isch! wow! und trotzdem sind sie so cool, haend sogar interlake bsuecht und uns ganz stolz ihri bilder zeigt:-)

aber au suesch haimr sehr sehr viel kontakt mit de argentinier kha zb die aint familie wo de ago immer geg de papi bim toeggele verlore het und am umeschreie gsi isch...de vater hets so gnosse dasser de immer dure de hostal slied vo italia90 lo laufe loh het um de ago znerve und isch mitne kuebel umestolziert wo de pokal soett sy :-) aber au die drei argentinier vo b.aires wo nur as assado und fernetbranca daenkt hai und uns gly ide schwyz wai bsueche....oder die familie, wo uns mueter immer tips bim koche geh het und und und...aber au die hippies wo zu viert uns spontan en unglaublich schoene folkloreobe bote hai... smull voller kokablaetter und beschwibst vom rotwy sinds gsi hai aber trotzdem zvierte mit trummle gitarre floete okulele usw usw eh vollcoole obe bote....

au unser hostel isch wie unser neus diheime worde! obwohl mir immene 4er zimmer wohnet, sind mer sit 3 naecht allei dine (und ich behaupte, dass unseri liebi rezeptionistin da ihri finger im spiel het..shostel isch naemli pumpevolle:-) ) ! unseri beziehig zum ganze personal isch mega herzlich!victor, de koch, het uns zum dvd-abig iglade gha und  felisa, eusi guet fee im hostel, het uns sogar nur mit viiil "strite" endlich welle eusi lang ersehnti ec-karte welle ushaendige udn verlangt neuerdings immer "geld" fuer jedi wiiteri unzaehligi frag :-) nei scherz natuerli!

nei,nei,ich gibs dir nid:-)

wie gern sie uns wiklich het haend mer gmerkt, als sie uns huet es verpackts gschenkli gmacht het..es schluesselbrett mit salta motiv mitere herzige wittmig hindedruf!
mis herz isch gschmulze bi so vill herzlichkeit!! danke salta!

huet abig sletzt mal versammlig und denn heissts ubreche in neui unbekannti doerfer:-) hihi...hoffentlich wird de ago nid hoehekrank:-)

ratet mal wie das huebsche maitli heisst!! na???
ufem bild sind Ago y Ago:-)
Agostino und Agostina!

p.s. vom ago: dur die langi ufenthaltszyt do in salta simmer au bits is grueble cho uebers reise im allgemeine . de sinn devo sziel und und und....fackt isch 95% vode backpackers sind absoluti siffer!!! 50% vode allgemeine taetigkeite verbringe sy im hostel mit anderne touris. die andere 50% mit rauche tagebuech schriebe und facebookle...absoluti katastrophe..... gestert het sich e walliserhippytante au wuerklich ufgregt dass si imne argentinische dorf nur ihaimischi kha het....!!?? mir sy froh dass mir au ueber dbruedere au wuerklich ihaimischi kennelerne und do au i kontakt mit ihrne kultur choeme....sache wo 99% vode backpackers im hostel nid haend!

p.s..s vom ago: ramona wird langsam aber sicher zumne wohre mathegenie...(franz lach jetzt nid,es stimmt!)  mir hai en kurs vo sfr - pesos 1:5. aber wie vill franke sind jezt 323 pesos? ramona het jetzt usegfunde dass sz aifach de pesos prys chan verdopple und denn es null chan abzie und de het sy de sfr prys :-) au suesch het si usegfunde wieme 1+2+3+4 usw chan anderst und aifach usrechne bis uf 100 :-) yhr gsehnds dbusfahrte sind wuerklich langwillig und lang :-)

p.s.s.s vom ago: smuesuem fuer hochgebirgsarcheologie vo salta isch absolut empfehlenswert.... dinkas hai uf 6700 mum ihri sunnekinder gopferet kha...abartig



Pppppps: mir freuet uns ab jedem blog-kommentar vo eu! Danke,dass ihr uns uf unsere reis begleitet! Es minderet euses heimweh nach euch!