Machu Pichu und anderes Inkageröll...:)

 

  

Am Samstig haimr wieder es museum bsuecht...laeck du mir mir wuesse jetzt me als alli peruaner zaemme ueber dinkas :) am nomitag simmr ane fuehrig gange ueber cuzco und umgebig...

de ersti stop usserhalb vo cuzco isch saqsayhuamam {usgesproche sexywoman} gsi. zums kurz phalte en hufe grossi stai wo vomne 7km wyt entfernte fels dohi brocht worde isch um en zickzack foermige tempel zbaue...und das ohni rad will die schlaue inkas srad nonig kennt hai {im 16 jh. wohlbemerkt}. wie sie das alles gmacht hai vezellmir eu de mol bimne glas wy :)

wytr isches denn auno zu wyteri ruine gange...mi erspare eu jetzt all die gschichte und de nutze und so sache defo :)

Sexywoman...   hihihiiiii

7km SChleppe ohni Rad.. und sottigi Brocke hends transportiert....

 

wie die stei so grad gschnitte worde sind verzellemer eu dihei...

 

 am nexte tag isches de wytr gange zunere 2tages tour mitm highlight am letschte dag am machupichu. Am erste Tag haimr als highlight de groesst agrarlabor usde antike choene betrachte Ollantaytambo. Ollantaytambo isch e riesehuegel wo terasseformig zumne riese versuechlabor umgstaltet worde isch vode inkas. in jeder terasse haisi erde usde verschiedenste ecke vo ihrem rych ine do um so choene zteste a wellem ort welle pflanzeart am beste gedeiht. nid nur derde haisi vodem ort importiert sondern au sklima :) mit dene terassene hend sich uf dem huegel verschiedeni mikroklimas bildet...d.h. du hesch zwische de erste terasse und de letschte terasse bis zu 10grad unterschied choene ha....und so hais verschiedeni pflanzearte und gmuesarte chone zuechte....in peru gits z.b. mehr als 1000 verschiedeni haertoepfelsorte und xdutzendi sorte mais, quinoa usw usw...perus kuchi isch wuerklich sehr sehr vielfaeltig....ramona chan sich allerdings nid a die ville meerschweindli-grillstaend gwohene...:)

Coca...ganz legal und harmlos

klugscheisser wieso hai alli fenster und tuere bide inkas e trapezform?

chlises Spiel? finde den Ago ...hihi

am endi vo de bustour sind mer in Ollantaytambo ufe Zug mit Ziel Aguascalientes, de Ort wo nur vom MachuPichu-Tourismus lebt.. de Weg dethi isch eifach atemberaubend gsi! Aguascaliente ligt im Trockewald, es gseht us wie im Dschungel:) de ganz Weg sind mer am Rio Urubamba entlang gfahre, wow, waer das cool zum deht Riverraftig mache... Zwischetinne isches eifach extrem wild und voller stroemige gsi.. mit jedem Meter sind Baum groesser und gruener worde, Vegetation het sich total veranderet.. immer meh wunderschoeni grossi bunti BLueme, Liane und grossi Blaetter mit Wassertropfe druf... Ramona isch ploetzlich ganz usem huesli gsi...sie het tatsaechlich en seltene rote Ara-Papagei gseh...!!





In Aguascaliente acho het mer grad gspuert das mer amene andere Ort isch...es isch waermer gsi und dLuft vill fuechter, halt Dschungel....de Fluss isch deht bsunders wild und toent luuter als jedi Restimusig:)

aber au wenns no so schoen isch, mir haend frueh is Bett welle, immerhin isch de Wecker uf die 4.45 gstellt gsi...

Next Day: de 1. Bus ufe Machu Pichu gaht am 05.30 und mir haenden unbedingt welle erreiche.. Leider sind mer zspat gsi, am 05.15 hets scho en huufe anderi Fruehufsteher gha, aber mir haends als letzti no uf de 2.Bus gsschafft...
es gaht mittst dur de Dschungel mite Hufe Haarnadlekurve steil de Berg duruf.. es isch no Daemmerig und Nebel ligt um dBergspitze ume... mega mysthisch..niemerts im Bus het gredet und allli sind voller Spannig gsi...

Obe acho sind mer grad sofort zum Ussichtspunkt ufegwanderet.. Und die Astrengig und Muedigkeit isch wie wegzaubert gsi wo mer obe verschwitzt acho sind! woooooooowwwwww...

wills no so frueh gsi isch haends no kei luet i de ruine gha und lamas sind no zfriede ufem Mirador umegspaziert... D Ussicht uf d Ruine vo de Inkastatt isch eimalig! Uf de Fotis gsehts villicht nid so us, aber es isch eifach speziell ... immer wieder sind nebelschwade um dFelsformatione gschliche und SUnne isch langsam fuehrre cho und hend sLiecht jedi MInute veranderet... Rund um de Huegel hets en Huffe grossi BErge (Machu Pichu isch au nur de Name vom groesste Berg im HIntergrund, mer weiss naemli nid wie die Stadt gheisse het)... Nebet de Ruine gahts uf beidne Siite steil abe und unde schlinglet sich de Fluss durchs Tal.... meeegaaaa!!

am 10i hemmer en Guide gha und en Huuufe erfahre, aber leider isch nid sicher, was devo alles stimmt, Inkas haend naemli kei SChirft kennt und drum nuet hinterlah, wo eus choend meh INfos geh..:(

was mer erfahre haend isch, dasses fruehner gar nid so schoen gsi isch, deht inne \zwohne... es het Platz fuer ca.1000 Userwaehlti gha. Es sind die INtelligentiste, Weiseste und Talentierteste usgwaehlt worde, um das Wisse z-sammle und rette... Fuer die Iwohner isches aber wie es Gfaengnis gsi... uf das duetet au Sicherheitshiiswiis a de Tuere... deht ufem Berg, 15 Tag Marsch bis zum nexte Dorf entfernt sind sie zwunge gsi, in Werkstatt ihres KOenne z-konserviere und demonstierre....

egal, huet isches eifach nur idruecklich und definitiv en bsuech wert!!

so es langet mit dene Huufe iNfos... ich weiss, ihr waend eh alli nur Bildli aluege:)


P.S.

mir hai eigetlich nid vorgha machu pichu zbsueche wills sone riesetouristemagnet isch....und es isch definitiv au ein....aber vo argentinie ueber bolivie bis dohi haimr immr mit backpackers gredet und jede isch begeisteret gsi vo dem ort.... und es stimmt machu pichu isch extrem idruecklich nid weg de architektur oder so aber waeg de lag...so hoch obe so isoliert i dere jungelweld so abschuessig uf dem huegel...mit all dene naebelschwade das tosse vom fluss ide schlucht und die bergkulisse...wow es verdient absolut de titel ein vode neue siebe weltwunder zsy

 Huet sind mer no ins Schoggi Museum und sind jetzt stolzi Bsitzer vo unsere erste eigene Schoggi!! Isch mega cool gsi und interessant zum die verschiedene Prozess erfahre vo de rohe Bohne bis zum fertige Schoggitaefeli,...

am geroesteti Bohne moersere

fertig, nur no nach geschmack verfeinere...

VORHER.....

DEZWUESCHE......

NACHHER......baaaeeehhhhhhhh

sGheimnis isch glueftet..am letzte Abendmahl hets Meerschein geh und Jesus het nid Brot, sondern Papaya teilt... immerhin behautet das das Bild in de Kathedrale vo Cusco...

P.S.S

Mir sind uns langsam gwoehnt, dass mer sEsse im Resti nie glichzitig ueberchoemet und dasses ganz normal isch, dass nach de Bstellig es Meitli userennt und mit Zuetate nach 5min zrugschlicht:)



Morn verloend mer de Buchnabel vo de Welt (Qosqo uf Quechua, Cusco sit de Spanier) und es gaht ab as Meeeeeeerrrr uf Mancora. Anschienend de schoensi Strand vo Peru...Ihr werdets gli erfahre, obs wirklich stimmt :)////cuzco isch definitv e traumstadt...am liebste wuerdemer no laenger do bliebe aber mi hai en flug....das isch die ersti stadt in suedamerika womer schweren herzens verloend



mir freue uns aber uf bits waermi...do ufm altiplano isch wuerklich fruesch....ide zimmer hesch ide nacht immer <10grad und am morge isch alles fueecht ...langsam haimrs gseh...und mir sehne uns nach waermi, strand, fisch und meeresfrueecht