HALBZEIT...und erste Depression

Hallo zaemme

mir sy nach cuzco uf mancora a strand gange/gfloge.... mancora gilt als de schoensti strand vo peru wow..... als mir acho sind haimr grad gmerkt kha dasses die reinsti tourisabzocke isch.... en peruaner het uns im taxi ufem weg verzelt, mer nennt das dorf au manDroga....und es isch au so es isch voller touristischi hippies und wie ueberall in suedamerika wos hippies het isches hundsmiserabel.... mir hai im schnitt 40dollar am tag usgeh fuer es drecksdorf mitne strand wo haesslich isch....uf das haimr kai bock kha sorry de muessi nur uf italie abe und han fuere billigere prys de 10mol schoeneri strand/meer/esse usw...also simmr nach 2 taeg wieder wytr direkt uf quito mitm bus...

dbusfahrt isch aifach scheisse gsi....ihr fraget euch villicht, wieso ufem blog diesmal kei fotis sind?..ganz eifach, mir sind jetzt kamera- und handy vode ramona los:-( mir haend kei ahnig wo und wenn uns das gstohle worde isch, mir haend immer mega ufpasst gha.. wahrschindli irgendwo uf de fahrt waehrend em schlafe...?*!dreckspack!!
generell isches in ecuador so dass nued stimmt wo eim vezellt wird....dbusfahrt isch de horror gsi extrem lang statt 15 h sys me als 19 h worde...wie immer ohni choene trinke (wc isch abschossse,wenns ueberhaut eis im car het) und nur mit chline guetzlisnacks...natuerlich mit etliche stopps ide nacht unter anderem zoll und buswechsel....jo und so simmr jetzt in quito unserem abflug ort und das 2 moenet zschnell :-)
generell isches nid so dass mir gstresst hai aber wenn mir ine stadt sind haimerse nach 2 bis 4 taeg eifach gseh kha und sind wytr.... jo und jetzt simmr do ohni kamera und ohni bock no wytr zreise irgendwie haimer sones saettigungsgfuehl erreicht....

was mer als einizgs uf kein fall waend uslah oder aendere isch useri reis nach galapagos... also freuemer eus jetzt, dehte endlich chli schoeni natur und spass am meer zfinde...

mir sinduf euse reis raecht is denke cho und mir wuesse dass mir nieme waerde soviel am stueck reise...wie gsait es git de uf eimol sones saettigungsgfuehl (nid nur bi eus au anderi traveller hai defo vezellt).. immer neui hotel seuche, imemr rucksack packe, immer am umesueche baeeeee das isch nid euses ding
mir hai aigetlich vorkha neume lang zbliebe wos eus gfallt wo mir au euse hobbies choent nochego und es bits wurzle schloh....aber das haimr bis jetzt nonig gfunde...irgendwie heimr nienets en ort gfunde wo mir choente saege doch doch do wuerdi gern 3wuche ferie mache...isch bitter isch aber so....
die meiste traveller wo mer atroffe haend sind im wahre lebe siffbirene.. keini sporthobbys oder so...sie gebet sich au mitem wenigste zfriede und suechet gar kei hoche standart...und das bi allem...restifood,schlafplatz,aktivitaete, hautsach billig... das isch nid unseri istellig. mir haend extra gspart und sind au bereit, chli mehr zahle,defuer au oepis bote becho..drum isches um so enttueschender wenn das denn nid findsch...

de itrag isch nid so haitr aber es wyderspieglet recht authentisch eusi gmuetslag :-)

p.s. ecuador isch extrem gfohrlich, haend mir eigetlich nid daenkt kha...ueberall hets bullene wo am patroulliere sy,,,,  mir hai denkt kha ecuador waeri so wie peru....als i am 4i am morge in quayaquil ufe parkplatz vom bus han welle go zum eusi cam und shandy sueche..hais dpolizisite nid zuegloh...ramona het dusse mit ihne muesse bliebe und i han en polizist becho wo mit mir ine isch...de bull het e knarre kha und e pumpgun :-) abartig-----au generell in suedamerika findsch ueberall en bull vorde banke mit pumpgun. in ecuador isches anderst do hesch zwei bullene und beidi hai dknarre ade brust use und scho ide hand und das konstant :-),,,,quito als stadt isch au gfoehrlicher. zobe doefschh wuerklich nuemm umelaufe. das hai uns bulle, touristeinformation und de hotelier au nahglegt....also immr schoen mitm taxi umecruise... und huet bim spaziere haend uns uf einere strass en putzmaa und en papi idringlich gseit,niemeh uf dere strass zlaufe...d'Geste 'was suscht passiert' sind eidütig und abschreckend gnueg gsi....uffff

p.p.s. ramona
ihr muend euch jetzt nid zfest um eus sorge...es git au positivi sache: z.B. an ich nach 10min skype en neue JOB:-) ich weiss zwar nur wie de arzt usgseht und suscht nix, aber ich freu mi! so en spontane arzt mues eifach cool si.. gli wirdi also in SUrsee inere Kinderpraxis schaffe choene;-)

usserdem gsehni jezty denn gli mini geliebte seeloewe am umegrunze hihhih.. was willsch no meh als en traum, wo in erfuellig gaht...ussert villicht choenne es foti mi hei neh:-(

mir suechet jezt de aschluss zu de versammlig und gebet no chli gas mit de iladige, denn sind mer beschaeftigt und unter guete kompanie:-)

und wie immer.....gseht morn dWelt scho wieder anderst us, gel AGo??!!

p.p.s. vom ago
i vermiss italie trotzdem und weiss wasi doert han :-)

Was wir alles vermissen-Liste:
- rifi Tomate
- wc papier ufem wc und dasmer spapier chan abespuele!:)
- fuessballspiele
- feins brot!
- gueti pizza
- stoeggelischueh und uswahl a kleider
- klettere
- eusi versammlig
- mis kopfkissi und matratze
- richigi duschi mit heiss wasser
- flauschigi badtuechli
- kartoffelgratin
- foccaccia della nonna
- bibelstudium am pult mit bibliothek und wt-cd
- autofahre
- mis handy und kamera :'(
- ago: mitem didier maile im gschäft
- fritigabig mit noemi
- lets dance mit eusne junge spiele...:)
- eusi familie, käthle und fründe!
- heissi schoggi mit schlagrahm
- sila
-  championsleage ufem eigene sofa luege
- koche und backe!
- mini spiegelreflex
- sport
- huebers bsueche
- feine käs und ufschnitt
- skifahre
- en ganze tag alles verstah und säge chöne:)
- ...
Reihefolg isch wahllos (mami also nid beleidigt si:) hihi...)