Puno und Cusco

Vo Copacabana haimr en bus gno nach Puno / Peru. jo und de Weg doerthi het aigetlich scho adueted dass peru nid so wird si wie erhofft und wie bolivie. scho ade grenze hesch gmerkt dass peru viel wytr entwicklet isch als bolivie im grenzbuero hets z.b. liecht kha, de bode isch suber gsi und dbeamte sind schnell gsi....ereise in bolivie benoetigti zyt 1.5 h, ireise in peru benoetigti zyt 1 min :-)...... au ufm weg nach puno hesch gmerkt dass dluet zwar vode landwirtschaft laebe aber die viel besser nuetze als in bolivie ueberall ume see ume hets wunderschoeni kartoffel-, mais-, quineoaplantagenekha  ueberall sy dluet au am schaffe gsi ufde felder...isch echt en tolle ablick gsi....was auno -zwar nur mir- uffallend isch isch das dluet sWC huesli nid im hus hai sondern mits uf ihrem feld :-)....jo und in peru haimr au wydrmol e baustell gse sogar mehreri in bolivie haimr praktisch nienets gseh dass baut wird oder repariert....

Hauptverkehrsmittel in Puno...Triciclos

neues aus der Rubrik: feines aus der Kueche:-)
guinea pig oder Cuy

ok in puno acho haimr scho bolivie vermisst...puno&peru isch sehr modern im gegesatz zu bolivie...dfraue hai maisstens jeanshose a ,dmaenner azueg...ueberall isch sesse fuer touris uf englisch gschriebe usw usw richtig bloed....zu dem zytpunkt haimr aigetlich gschnallt wass fueres glueck mir kha hai nid uf chille zgo sonder ueber bolivie doerfe zreise,,,will bolivie aigetlich seinzige land isch wo no das suedamerika bietet wo mir uns aigetlich erhofft hai
puno saelbr isch nued speziells...sehr touristisch und haerzig....also de tourismus isch nid ganz so schlaecht :-) mir hai zb aendlich wydrmol warmwasser kha zum dusche und internet wo au funktioniert :-)
und suescht haimr nid viel gmacht usser meerschweinli -cuy- und alpaka gaesse :-) und no paar musee bsuecht....am zweite obe haimr touristezone verloh und sind mit de ihaimische go aesse...de grund defuer isch aifach, ide touristezone ischs aesse megatuer und richtig schei#@#$$e.... mit de ihaimische go esse isch nid viel besser aber billiger :-) es isch aigetlich ganz eifach...ufde strossene hets all 2meter en polleria...du ghosch ine saisch was aesse willsch duswahl isch aifach....1/2, 1/1, 1/4 oder 1/8 poulet mit entweder salat und pommes frittes oder pommes frittes und salat :-) alles wird natuerlich ohni bsteck gesse und nach 5minute chasch satt widr uselaufe...fueres znacht zahlsch umdie 3.5 sfr :-)

Plaza de las Armas in Cusco

jo und nach zwei daeg haimr puno verloh und hai en touribus gno nach cuzco....de bus isch wuerklich guet gsi...mir hai en spansichguide kha wo mit eus 5stops gmacht het waehrend de fahrt und mit eus ind muesee cho isch....
in cuzco acho haimr aifach nur no gstunnt....cusco isch fuer mi persoenlich mit abstand die schoenst stadt woni in suedamerika gseh han....little florenz vode ande :-) cuzco isch imne gruene tal glaege und erstrekct sich wie la paz au de huegel hoch...die stadt steckt volle gschicht und kultur das gsehsch a jedem strosseecke entweder hesch kolonialgebauede oder inkamonument...wuerklich e superschoeni stadt....ide stadt saelbr haimr au wieder alli musee abklapperet und mir chone jetzt zu raecht saege dass mir absoluti spezielliste sy ueber inkakultur, spanischi conquistadores und die lieb tolli evangelisation vode liebe katholike :-)

es Verspreche, wo leider nid immer erfuellt worde isch..:-)

Inkastaett-Besichtigung bi Pisswetter:-)

choclo con queso andino..
euses zvieri fuer 30 Rappe

es isch eh fast nid verstaendlich, dass d-indigos huet alli katholike sind und brav ihri gelder abgebed, obwohls genau die kirche gsi isch, wo ihri vorfahre brutal abegschlachtet het, ihres gold klaut und ihri tempel und hueser
zerstoert het, um ihri kirchene druf zbaue! immerhin haeends de inkas erlaubt, ihres indigene chruez wos scho sit 800 v.Ch. zeichnet haend, zbhalte und statt nur gott zuesaetzlich au no  pachamamma, ihri mueter erde, azbete..wer interessiert au scho d-wahrheit,solang geld und ahaenger hesch..:-)

shopping schwer gemacht

was essemer huet zmittag?

Busco o Vendo.....Ebay uf peruanisch :-)

morn startetmer e zweitagestor....naa.ratet mal.... richtig:-) es gaht um Inkas:-)
ussert en huufe ruine usserhalb vo cusco chunt euses absolute highlight: Machu Pichu...

To be continued....:-)